الحكاية من الأول للآخر.. في كلمتين من القلب ❤️ 🔳 إحنا اشترينا أفضل اللاعبين في مصر، والكل أجمع على كده، لدرجة إن الجمهور كان بيقول إن الأهلي هيكسب بالخمسة! معظم الجماهير كانت راضية، وكلنا كنا بنحتفل بالصفقات. 🔳 حصل إخفاقات وموسم كارثي، جه كابتن سيد وياسين منصور علشان يمسكوا ملف الكرة، وبدأوا يعيدوا ترتيب المنظومة بالكامل؛ من اللجان والتعاقدات لحد المدير الفني تحت عين أسطورتنا كابتن محمود الخطيب . 🔳 طبيعي جدًا، وهما لسه في بداية شغلهم، يطلع لاعب مش على مستوى التوقعات، أو مدرب ما يحققش اللي كنا منتظرينه. لكن الأهلي دايمًا بيصحح وبيعمل الصح. خلونا نسأل نفسنا: هل الناس اللي ماسكة ملف الكرة مقصرة؟ هل الناس دي ما عملتش اللي عليها؟ هل الناس دي مش شغالة؟ 🔳 بشهادة الجميع، حاجات كتير بقت أحسن، وشفنا خطوات إيجابية، زي تعيين الدكتور عصام سراج وكابتن وائل جمعة. طيب، إيه الملفات اللي لسه فيها علامات استفهام؟ أولًا: ملف المدير الفني ◾️ رغم إن نفسي عموتة يمشي، لكن شايف إن قرار استمراره هو الأفضل في المرحلة دي، خصوصًا إننا مش كل شوية هنغيّر مدرب لمجرد إن فيه لاعبين مش بيقدموا المستوى المنتظر. ◾️ افتكروا لما توروب مشّى حسين الشحات وتريزيجيه، والناس قالت إيه عن توروب، ووصفته بالمدرب العالمي! ◾️ الأهلي عمره ما كان نادي بيغيّر مدربه كل شوية، ولا عمره كان بيسمع للسوشيال ميديا في قراراته. ✍️ اللي بيعمله كابتن سيد، رغم إنه عكس رغبتي ورغبة قطاع كبير من الجماهير، شايف إنه القرار الصح. ثانيًا: ملف اللاعبين تعالوا بقى للاعيبة ‼️ ◾️ قسمًا بالله، فيه لاعبين كل اللي شاغلهم الفلوس ومصالحهم الشخصية، مش مصلحة الأهلي. ◾️ فسيبوا كابتن سيد يظبط الأمور، وسيبوه يشتغل، وادّوله الفرصة. مفيش منظومة بتتغير في يوم وليلة. 🔳 مش كابتن سيد اللي قفل حنفية الفلوس، ومش هو اللي حط قواعد جديدة ومش راضي يحيد عنها. ◽️ سيبوه يستغل الفرصة ◽️ سيبوه يغلط ◽️ سيبوه يتعلم ويعدّل. ما هو ده الكادر اللي شايفين إنه عنده الأساس الصحيح لإعادة بناء المنظومة. ✍️ أنا متأكد إن النهاية هتكون كويسة، وإن فيه حاجات كتير هتتعدل للأحسن مع مرور الوقت. في النهاية: ادعموا كابتن سيد وكابتن وائل جمعة لحد ما الأهلي يرجع للصورة اللي كلنا بنتمناها. أنا شخصيًا محتاج أشوف الأهلي اللي نعرفه، حتى لو هنخسر.. المهم نشوف قرارات صح، ومنظومة ليها شخصية وهوية. ✍️ وزي ما كابتن سيد قال قبل كده: «خليك هادي، لسه الدوري طويل»، وكسبنا الدوري بعد التصريح ده. أنا بقولكم: خليكوا واثقين في كابتن سيد ✍️ الصح في النهاية بيبان صح، حتى لو عدى وقت طويل والناس كانت شايفة إنه غلط.