الأكل شهوة مباحة للإنسان لكن الإسراف فيها ممنوع، ليس من العقل أنّك تمنع الأكل سدّا لذريعة الإسراف، إنما تأكل وتستمتع بالمباح وتُمنع من الإسراف. لو قفلت كلّ باب مفتوح للاستمتاع، وأصرّيت على موقف السجين الممنوع عنه الإحساس بالجمال، هتشعر بالغربة قطعا، لكنها مش غربة الاستمساك بالدين وسط الموج اللي بيدفعك للتنازلات، إنما أنت غريب عن الحياة، غريب عن نفسك، غريب عن دينك الذي يكره رهبانيتك. الغربة شعور لكلّ محاول أنه يستمسك بصحّ وسط خطأ، الطوفان بيدفعه لده، لكنها مش مطلوبة ولا هدف محتاج تحققه علشان تبقى ماشي صح. لو حابب موقفك ده، ما تحاسبش الناس بس على أفكارك واتجاهك، وعيش وسيبنا نعيش.