الجنة مهرها غالى عارفين ليه ربنا وصف أهل الجنة كلهم إنهم "متكئين على الأرائك"؟ ليه مقالش جالسين أو نائمين؟ سؤال جميل سألتوني عنه كتير، وتعالوا أقولكم الإجابة اللي طمنت قلبي: أولاً: مفيش نوم في الجنة، لأن النوم أخو الموت، وأهل الجنة أحياء لا يموتون ولا ينامون. ثانياً: الجلوس ممكن يكون وانت مغصوب ومش مرتاح، زي ما بتقعد قدام مديرك وانت قلقان. إنما الاتكاء؟ الاتكاء ده مبيعملوش غير واحد مطمن أوي، مرتاح أوي، في بيته، وسط حبايبه، محدش له حكم عليه. كأن ربنا بيقولك: الجنة بقت بيتك، بحدائقها، هتتكأ فيها براحتك، بطمأنينة ملهاش مثيل. عشان كده ذكرها في 5 مواضع: - الكهف: "متكئين فيها على الأرائك" - ص: "متكئين فيها يدعون بفاكهة كثيرة" - الرحمن: "متكئين على فرش" - الواقعة: "متكئين عليها متقابلين" - الإنسان: "متكئين فيها على الأرائك" يارب اجعلني أنا وانتو وأهلنا كلنا من المتكئين في جنات النعيم.