النهارده وانا ف المواصلات جت واحدة ركبت جمبي ومن اول الطريق وهي حاطه التليفون ع ودنها مبطلتش كلام والظاهر انها كانت عامله حوار مع مرات اخوها وتقريبا الاتنين بيغلطوا ف بعض ف بوستات ع الفيس وانا ساند دماغي ع الشباك ومصدع جدا من صوتها العالي ف بقولها ممكن توطي صوتك شوية وتخلوا الحوارات دي ف البيت مع بعضكوا قالتلي انت مالك انت رامي ودنك معايا ليه قولتلها انا مش رامي ودني صوتك هو ال عالي قالتلي ياريت تخليك ف حالك ومتدخلش ف ال ملكش فيه راحت رجعت حاطه التليفون ع ودنها وقالت للي بتكلمها معلش ياميرفت اصل فيه واحد قاعد جمبي كان بيحاول يستظرف احنا وقفنا لحد فين قولتلها لما ميرفت مرات اخوكي قالت ل بنتها متلعبيش مع ولاد عمتك قالتلي روح ياشيخ الله يباركلك ايوة كده خليك معايا عشان ساعات الكلام بيقع مني وبنساه..!😆