الراجل والمرة بتونسو في امان الله شي ضحك وشي هزار قامت تشكر فيهو وترفع من معنوياتو وانا محظوظة بيك وفي عز الضحك والفرفشة الكلام جاب الكلام الراجل قال ليها هسا لو قولتا ليكي عاوز اعرس تاني رايك شنو وبتعملي شنو المرة حمقا ... قالت لي من سماحتك ولا وجاهتك ولا قروشك الكتيرة انتا لغاية هسا بتدفع في اقساط التلاجة والبوتجاز ومن من الاكل الكتير بقيت قدور البرميل وبطنك بقت زي قبر الشافع الراجل نطط عيونو قال ليها مافي داعي قالت ليه الداعي جبتو انتا وبعدين عليك الله داير تعرس فيني وانا قبلتا بيك بعد دقيت الاربعينات.... اخواني من تلاتين سنة الواحد بي عيالو وبيتو وعربيتو وانا اشيل واديك دهبي اقول اساعدك بيهو لغاية عدمتا الغويشة والخاتم والدهب الشلتو مني ده كدي رجعو اول وماعافياهو ليك ان شاء يدخل عليك بالساحق والماحق واشوفو في صحتك وعافيتك قال ليها اقسم بالله تاني قرش مابشيلو منك قالت ليه ابقا راجل رجع لي دهبي اهلي شاكلوني بي سببك عشان اديتك الدهب الاشتروهو لي وانتا لو صحي راجل ماكنت شلتو اصلا من البداية حتى لو محتاج مفروض ترفض ولو تدين من اخوانك وتقول لي انا مابعتمد على حق مرة موش تشيلو بدون خجل وكمان بدل تقول لي رايك شنو ارجعو ليكي بالذيادة تقول رايك شنو لو عرستا تاني قال ليها اقسم بالله لو مارجعتا ليكي دهبك حتى لو اتدين واكسر رقبتي انا ماراجل قالت ليه رجالتك لنفسك وعشان ذاتو تقدر ترفع راسك قدام اهلي .. واصلا هم مارضيانين وكل مرة بسالوني ح يرجعو متين وانا كنت بحامي ليك كان ماعارف اعرف قال ليها قولتا ليك علي بالطلاق برجعو قالت ليه تمام بركة الجات منك اصلا شكلك ملقلق زي ماقالت عمتي وعرس طوالي وورقة طلاقي تصلني ومعاها دهبي الشلتو ويلا هما خفا وعرقا جفا وكل زول جر سريرو بعيد وقبل على اتجاه