موضوع مهم انتشر اليومين دول 📿📿 ربنا يحسن ختامنا ويخرجنا منها على الإيمان 📿📿 *عن أبي هريرة رضي الله عنه قال: قال النبي ﷺ:* *«لَا تَقُومُ السَّاعَةُ حَتَّى يَكْثُرَ الْهَرْجُ»، قَالُوا: وَمَا الْهَرْجُ يَا رَسُولَ اللهِ؟ قَالَ: «الْقَتْلُ، الْقَتْلُ»* رواه البخاري ومسلم *1. معنى "الهرج"* الهرج في لغة العرب = *الاختلاط والفتنة وكثرة القتل بغير حق*. يعني ناس بتقتل بعض ومش عارفة ليه بتقتل ولا المقتول عارف ليه اتقتل. النبي ﷺ كررها "القتل، القتل" عشان يأكد على فظاعة الأمر. كأنه بيقولنا: هتشوفوا دم كتير لدرجة تتعودوا عليه. *2. علامات الهرج اللي بنشوفها دلوقتي* العلماء قالوا إن "كثرة الهرج" من علامات الساعة الصغرى وبتظهر في آخر الزمان: 1. *كثرة القتل بغير حق*: حروب، إرهاب، جرائم، فتن طائفية 2. *استهانة الناس بالدم*: القاتل والمقتول في النار زي ما قال ﷺ في حديث تاني 3. *الفتن اللي بتخلي الحليم حيران*: الواحد يصبح مؤمن ويمسي كافر 4. *انتشار السلاح*: يبقى القتل سهل وسريع *3. نعمل إيه عشان ننجو من الهرج؟ النبي ﷺ وصانا* في نفس الحديث وفي أحاديث تانية النبي ﷺ قالنا العلاج: 1. *اعتزال الفتن*: *"القاعد فيها خير من القائم، والماشي فيها خير من الساعي"*. يعني متدخلش نفسك في فتنة مش بتاعتك. 2. *العبادة وقت الهرج*: *"العبادة في الهرج كهجرة إلي"*. الصلاة، الذكر، القرآن في وقت الفوضى أجرها عظيم جداً. 3. *كف اليد واللسان*: *"ليمسك أحدكم لسانه وليبك على خطيئته وليسعه بيته"*. متشاركش في شائعة ولا تحريض. 4. *الدعاء*: *"اللهم إني أعوذ بك من الفتن ما ظهر منها وما بطن"* *4. رسالة الحديث لينا النهاردة* الحديث مش عشان نخاف ونترعب. هو عشان *نستعد*. الساعة علمها عند الله، بس احنا نعمل اللي علينا: *﴿وَاتَّقُوا فِتْنَةً لَّا تُصِيبَنَّ الَّذِينَ ظَلَمُوا مِنكُمْ خَاصَّةً﴾* الأنفال 25 يعني الفتنة لو جت بتصيب الكل. فالحل: نرجع لربنا، نصلح نفسنا وبيتنا، ونمسك في ديننا. *دعاء النجاة من الفتن* *"اللهم اكفنيهم بما شئت، اللهم إنا نجعلك في نحورهم ونعوذ بك من شرورهم"* *"اللهم أرنا الحق حقاً وارزقنا اتباعه، وأرنا الباطل باطلاً وارزقنا اجتنابه"* ربنا يحفظكم ويحفظ بيوتنكم من الفتن ويقبضنا على طاعة 🤲